Til þess að skoða vakt nánar eða breyta henni er tvísmellt með vinstri músarhnapp á vaktina.
Einnig er hægt að hægrismella á vaktina og velja Nánar úr vallista sem þá birtist.
Þá opnast gluggi með ýmsum upplýsingum um vaktina.
Hægt er að breyta:
Dagsetningum
Tímum
Tegund vinnu
Hæfniþætti og færnistigi
Flytja vakta á annan starfsmann
Skrá álag ef vakt er samþykkt og kjarasamningur leyfir álag.
Skoða villur á vakt
Í flipanum "Villur" eru birtar allar villur á viðkomandi vakt.
Það er gert með því að smella á hnappinn "Álag". Þá birtist skáningargluggi þar sem álagið er skráð.
Athugið að aðeins er hægt að skrá álag á vaktir eftir að búið er að samþykkja vaktaáætlun, hnappurinn er óvirkur fram að því.
Vaktbreyting er valin úr vallista. Mögulegar vaktbreytingar eru tengdar við kjarasamning starfsmanns í Stund.
Smella þarf á hnappinn "Skrá" til að vista.
Eftir að vaktbreyting hefur verið skráð birtist textinn "Vaktbreyting skráð" aftan við hnappinn "Vaktbreyting".
Hægt er að eyða vaktbreytingu með því að smella á hnappinn "Vaktbreyting" og "Eyða".
Haldið er utanum breytingar sem gerðar eru á vakt eftir að hún er samþykkt.
Það er gert með því að velja flipann Breytingasaga.
Allar breytingar sem gerðar hafa verið á samþykktri vakt birtast. Þeim er raðað eftir tegund breytingar í upphafi, en hægt er að raða eftir öllum dálkum, smella þarf aðeins á þann dálkahaus sem raða á eftir.
Það er gert með því að velja flipann "Athugasemdir". Þá birtast upplýsingar um allar athugasemdir sem skráðar hafa verið á vaktina. Athugasemdunum er raðað eftir dálkinum "Skráð dags í upphafi", en hægt er að raða eftir öllum dálkum, smella þarf aðeins á þann dálkahaus sem raða á eftir.
Í sjálfsþjónustu er eingöngu hægt að skrá athugasemdir á vaktir þegar vaktaáætlun er í stöðunni "Uppkast".
Í Vinnu getur vaktasmiður skráð athugasemd óháð stöðu áætlunar.
Hægt er að flytja vakt á annan starfsmann með því að smella á örina fyrir neðan textann "Flytja vakt á annan starfsmann".
Þá birtist vallisti með þeim starfsmönnum sem hafa sama hæfniþátt. Ekki má flytja vaktir á milli starfsmanna sem hafa mismunandi hæfniþátt. Flytja má vaktir á milli starfsmanna sem hafa sama hæfniþátt en mismunandi færnistig.
Með því að smella á flipann "Fjarvistir" er hægt að sjá þær fjarvistir sem skráðar eru á vaktina.
Þá birtast þær fjarvistir sem skráðar eru á vaktina.
Einnig er hægt að skrá/eyða fjarvist á vaktina með því að hægrismella á fjarvistarlistann.