Úttekt veikinda hjá starfsmanni

Veikindaréttur starfsmanns er reiknaður miðað við viðmiðunardagsetningu

Réttur starfsmanns skiptist í veikindi og vinnuslys.

Til að finna út rétt starfsmanns á viðmiðunardegi þá eru eftirtalin atriði notuð fyrir starfsmann:

1. 1. Samingur starfsmanns => veikindaréttur sem tengdur er samningi

   2. Starfsaldur starfsmanns

   3. Starfshlutfall starfsmanns

   4. Starfaflokkur starfsmanns í VinnuStund (fundinn út frá vinnufyrirkomulagi).

Sjá einnig Veikindaréttur.

Fjarvistategundir veikinda og vinnuslysa:

Fjavistategundir eru skilgreindar undir Stýringar->Fjarvistategundir.

• Fjarvistategundin fyrir veikindi er tengd við fjarvistaflokkinn veikindi.

• Fjarvistategundin fyrir vinnuslys er tengd við fjarvistaflokkinn vinnuslys.

• Eins er skráði í dálkinn veikindaréttur hvort um sé að ræða veikindi eða vinnuslys.

Athugið: Almenn túlkun í kjarasamningum varðandi veikindi og vinnuslys er sú að fyrst er veikindarétturinn tekinn út áður en farið er að skrá á vinnuslys.

Úttekt veikinda hjá starfsmanni

Úttekt veikinda er reiknuð ár aftur í tímann frá viðmiðunardegi.

Útreikningur á úttekt veikinda dagvinnumanns er tvenns konar, fer eftir starfshlutfalli starfsmanns á hverjum tíma.

1. Starfsmenn í 100% starfi og ekki vaktavinnumenn

Dæmi:

100% starfsmaður, allar skráðar veikindafjarvistir teljast, líka þeir dagar sem þeir eiga ekki vinnuskyldu. Ef starfsmaður er skráður í veikindi frá sunnudegi til sunnudags þá telur frádrátturinn 8 daga eða alla almanaksdagana.

    2.   Starfsmenn í hlutastarfi

Veikindi eru reiknuð út samkvæmt formúlunni:

Tímafjöldi veikinda = fjöldi tíma sem starfsmaður er veikur samkvæmt skráningu.

Vinnustundir sem starfsmaður á að skila á viku = vinnustundir á viku á kjarasamningi.

Dæmi:

50% starfsmaður vinnur alla virka daga frá 8-12 er skráður í veikindi frá sunnudegi til sunnudags, frádrátturinn er þá (4 tímar / 20 tímar vinnuskylda per viku) * 7 = 1,4 fyrir hvern virkan vinnuskyldudag eða alls 7 daga en ekki þá daga sem starfsmaður á ekki vinnuskyldu.

Varðandi mörg störf, þá er veikindarétturinn reiknaður út frá starfinu ekki kennitölunni, það þarf því að skoða þá starfsmenn sérstaklega.

   3. Vaktavinnumenn

Úttekt vaktavinnumanna á veikindarétti  er stillanleg í VinnuStund og  hægt að reikna á þrjá vegu.

Stillingar eru settar á kjarasamning.  Sjálfgefið á kjarasamningi er stilling a).

Öll dæmin hér að neðan eru sett upp fyrir vaktavinnumann sem á að vinna 12 tíma vakt á mánudegi og líka á fimmtudegi. Hann er veikur frá mánudegi til og með fimmtudegi.

a) Eins og starfsmenn í hlutastarfi

Úttekt = (skráðir tímar / vinnuskylda á viku) * 7

Vaktin er 12 tímar, vinnuskylda á viku er 40 tímar og 7 eru dagarnir í vikunni.

Stilling á kjarasamningi:

 Svæðið „Veikindaúttekt vaktavinnumanna“ = “m.v.viku“

b) Eins og dagvinnumenn í 100% starfi

Úttekt skráist sem einn dagur ef veikindi eru skráð á dag.

Stilling á kjarasamningi:

 Svæðið „Veikindaúttekt vaktavinnumanna“ = „Dagur á móti degi“.

c) Með mánaðarveikindastuðli

Úttekt = (skráðir tímar / vinnuskylda á mánuði) * meðalfjöldi virkra vinnudaga á mánuði

Vaktin er 12 tímar, vinnuskylda á mánuði er 182,4 tímar og meðalfjöldi virkra daga á mánuði er 21,67.

Stilling á kjarasamningi:

•  Svæðið „Veikindaúttekt vaktavinnumanna“ = „m.v.mánuð“.

• Setja þarf fjölda vinnudaga í mánuði í svæðið „Vinnudagar í mánuði“.

• Setja þarf inn fjölda vinnustunda á mánuði í svæðið „Vinnustundir á mánuði“.

Skráning veikinda

Ef starfsmaður er vaktavinnumaður og engar vaktir eru til á tímabilinu þá eru settar niður meðaltalsvaktir, annars er fyllt upp í þær vaktir sem eru á skrá.