Fjarvistategundir

Hér er haldið utanum allar fjarvistategundir sem til eru í kerfinu.

Allar fjarvistir eru skráðar með fjarvistarkóda. Þetta tryggir að réttir tímaútreikningar séu sendir til launakerfis. Þegar fjarvist hefur verið skráð á starfsmann er ekki hægt að skrá á hann vakt á sama tíma eða handskráða stimplun/tímafærslu.

Stýringar á fjarvistategundum sem hafa áhrif á útreikning á tímafærslum:

Fjarvistartegundir geta haft nokkrar stýringar fyrir útreikning á tímum starfsmanna.

Réttindi ávinnast í fjarveru:

Segir til um það hvort leyfisréttindi og veikindaréttindi teljast meðan að fjarvistategund er skráð.

Dæmi:  Réttindi reiknast þegar starfsmaður er skráður í orlof eða veikindi. Réttindi reiknast ekki ef starfsmaður er skráður með óheimila fjarvist.

Reiknast einungis á vinnuskyldu:

Stýrir því hvort fjarvistategund reiknist á vinnuskyldu eða alla skipulagða vinnu.

Dæmi: Orlof reiknast á vinnuskyldu en veikindi á alla skipulagða vinnu.

Reikna álag:

Stýrir því hvort reikna eigi þau álög (t.d. vaktaálag) á vinnutíma sem starfsmaður ætti að fá ef hann mætti til vinnu.

Álag er reiknað á veikindaskráningar en ekki leyfisskráningar.

Reikna kaffitíma vaktavinnumanna:

Stýrir því hvort vaktavinnumaður fái greidda fasta kaffitíma í fjarvist.

Dæmi: Í fjarvist vegna veikinda barns eru kaffitímar ekki greiddir, en í fjarvist vegna veikinda starfsmanns eru kaffitímar greiddir.

Flokkur fjarvista :

Flokkur fjarvista hefur einungis áhrif á útreikning út úr stökum tímafærslum ef fjarvistin sem skráð er tilheyrir flokknum óleyfileg fjarvist. Þá er dregið af starfsmanni sá tímafjöldi sem er skráður á þeirri launategund og hægt er að skrá inn margföldunarstuðul á frádrættinum.

Skráningarleyfi fjavistategundar stýrir því hvaða starfsmenn hafa leyfi til að skrá fjarvistina. Skráningarleyfi er skráð niður á starfsmanninn.

• Er tala á bilinu 1 til 5

• Skráningarleyfi almennra starfsmanna er 1

• Skráningarleyfi yfirmanna er 3

Hver framkvæmir

Launafulltrúar í VinnuStund.

Tilgangur

Viðhalda fjarvistategundum í Stund

Hvar og hvernig gert

Fara í ábyrgðasvið Stýringar, aðgerðina Fjarvistartegund. Velja fjarvistategund  til að vinna með.

Mögulegar aðgerðir (Aðgerðirnar eru hlekkir til að komast beint í nánari upplýsingar um þær)

Skoða fjarvistartegund(Stýringar -> Fjarvistartegund)

Listi yfir þær fjarvistartegundir sem eru á skrá birtist.

Sú fjarvistartegund sem skoða á nánar er valin úr listanum með því að smella á  heiti hennar.

Dálkarnir geyma stýringar fjarvistategundar.

Skrá fjarvistartegund(Stýringar -> Fjarvistartegund -> Nýskrá)

Þegar smellt er á plúsinn efst í hægra horni myndarinnar Stýringar->Fjarvistategund opnast skráningarmynd fjarvistategundar.

Skýring á svæðum í skráningarmynd.

Breyta/eyða fjarvistartegund(Stýringar -> Fjarvistartegund -> Breyta)

Farið í Stýringar -> Fjarvistartegund og valin sú fjarvistategund sem vinna á með.

Ekki er hægt að eyða fjarvistategund ef hún hefur verið notuð í tímaskráningu. Einnig er aðeins hægt að breyta þeim svæðum sem ekki eru óvirk.

Það er hægt að taka hana úr gildi.