Tímar sem starfsmaður fær fyrir ákveðna vinnu, til dæmis vegna
• Aðlögunar nýs starfsmanns
• Sérverkefnis
• Heimavinnu
• Matar- eða kaffitíma ef starfsmaður kemst ekki í mat eða kaffi
Aukatímar geta haft fastan tímafjölda.
Aukatímar verða alltaf að færast á ákveðna launategund sem hefur verið skilgreind fyrir stofnunina.
Hægt er að taka aukatíma út í skýrslum.
Launafulltrúar í VinnuStund
Viðhalda aukatímum í kerfinu.
Tengja launategund við stofnun
Fara í ábyrgðasvið Stýringar, aðgerðina Aukatímar. Smella á heiti aukatíma til að breyta eða smella á plúsinn til að nýskrá aukatíma
Þegar smellt er á heiti aukatíma þá birtist skráningargluggi þar sem hægt er að breyta upplýsingum.
Ef að búið er að skrá aukatímann á tímafærslu þá er aðeins hægt að breyta skráningarleyfi og lýsingu.
Alltaf þarf að tengja launategund við aukatíma.
Hægt er að skrá fastan tímafjölda á aukatíma. Starfsmaður getur þó yfirskrifað þann tímafjölda þegar hann skráir aukatíma í sjálfsþjónustu.
Launafulltrúi getur skráð aukatíma og skilyrt hann við ákveðna kjarasamninga. Á þann hátt er eingöngu hægt að skrá viðkomandi aukatíma á þá starfsmenn sem tilheyra skráðum kjarasamningi
Á myndinni hér fyrir neðan er aukatími sem tengist ekki ákveðnum kjarasamningi.
Í skráningarmyndinni hér fyrir neðan er já í "Takmarkað við samninga". Þá bætist við flipamynd fyrir neðan skráningarsvæðin þar sem hægt er að tengja ákveðna kjarasamninga við viðkomandi aukatíma. Í dæminu hér fyrir neðan er aðeins hægt að skrá aukatímann PHJUK á störf sem tengd eru við kjarasamning 661 - Félag íslenskra hjúkurnarfræðinga.
Eyða hnappurinn birtist aðeins í skráningarglugganum ef að eyða má aukatíma. Ekki má eyða aukatíma sem búið er að nota í tímafærslu.
