Breyta yfirvinnu í leyfi

Hver framkvæmir

Starfsmaður sjálfur / yfirmaður

Tilgangur

Starfsmaður getur sent inn beiðni um að færa yfirvinnutíma í laun.

Áður gert

Tengja leyfistegundina Uppsöfnuð yfirvinna við starfsmann.

Starfsmenn skrá sínar óskir um flutning á yfirvinnu í leyfi

Hvar og hvernig gert

Starfsmaður:

Fara í ábyrgðasvið Sjálfsþjónusta -> Leyfi -> Staða leyfis.

Smella á hlekkinn Færa yfirv.í leyfi. Þá birtist skráningargluggi þar sem staðfesta þarf beiðnina.

Yfirmaður:

Starfsmenn->Leyfi->Sýsla hnappurinn í leyfistegundinni Uppsöfnuð yfirvinna

Þá birtist skráningarmynd þar sem hægt er að færa yfirvinnu í leyfi.

Senda beiðni um að færa yfirvinnutíma í leyfi. Smella á táknið í Sýsla dálkinum í Uppsöfnuð yfirvinna.

Þegar bunki er búinn til er athugað hvort starfsmaður eigi beiðni um að flytja yfirvinnu í leyfi.

Ef svo er þá er athugað hvort starfsmaðurinn eigi jafn mikla yfirvinnu og hann biður um að flytja í leyfi. Ef svo er þá er þessi tímafjöldi yfirvinnu fluttur yfir í leyfi.

Ef starfsmaður á ekki eins mikla yfirvinnu og hann biður um þá flytur VinnuStund aðeins þá yfirvinnutíma sem starfsmaðurinn á yfir í leyfi.

Yfirvinna í leyfi í bunkavinnslu er gerð upp miðað við dagsetningu á skráningu á beiðninni.

Dæmi: Starfsmaður setur inn beiðni um að flytja yfirvinnu í leyfi í desember.

Launabunkinn er ekki keyrður inn fyrr en í janúar. Þessi flutningur á yfirvinnu í leyfi myndi þá fylgja desember (óskin sett inn) en ekki janúar. Ástæðan er sú að yfirleitt er margföldunarstuðull eða greiðsla álags miðuð við ákveðinn tímafjölda á ári.

Athugið að ef starfsmaður er með tengdan á sig yfirvinnusamning þá hefur hann áhrif á það hve mikið er flutt yfir í leyfi.

Dæmi: Starfsmaður er með tengdan á sig yfirvinnusamning sem segir að það eigi ekki að greiða neina yfirvinnu þá er heldur ekkert flutt í leyfi (hægt að komast hjá því með því að leyfa að greiða kostnaðarfærða yfirvinnu).