Hægt er að hafa mismunandi sýn á vinnuborð vaktaáætlunar. Notandi stjórnar því hvaða gögn hann vill sjá í hvert sinn með því að nota síuglugga. Það sem valið er í síu er einnig sýnt í mönnunargrafi.
Í flipanum "Aðgerðir" er því stýrt hvort síuglugginn sjáist eða ekki. Smellt er á myndina til að opna síuglugga og svo aftur til að loka honum.
Hér fyrir neðan myndina eru svæðin í síuglugga skilgreind.
Skoða eftir síu eða allt
Ef "allt" er valið er merkt við alla valmöguleika. Allt er sýnt
í vinnuborðinu.
Ef "eftir vali" er valið þá birtist það sem notandi hefur hakað
við í síuglugganum í vinnuborði vaktaáætlunar.
Vaktir
Sýna Ef hakað við sjást vaktir, ef hak tekið af sjást engar vaktir í vinnuborði.
Litir Sjá nánar í "Litir á vöktum í vinnuborði"
Tegundir vinnu
Notandi hakar við þær tegundir vinnu sem hann vill sjá í vinnuborðinu. Vaktir sem hakað er við birtast í vinnuborðinu (og í mönnunargrafi). Vaktir sem ekki er hakað við birtast gráar í vinnuborðinu.
Þegar verið er að setja vaktir niður handvirkt birtast í hægri músarhnapp þær tegundir sem hakað er við hér.
Virkar
Ef starfsmaður er með vaktir á öðrum vaktaáætlunum þá birtist sían Virkar = Utan áætlunar.
Vaktirnar birtast sem gráir kassar með hvítum ferningi. Hvíti ramminn merkir að vaktin sé læst og ekki er hægt að breyta henni.
Ef hakað er við Utan áætlunar birtast þessar vaktir á vinnuborðinu eins og aðrar vaktir nema þær eru auðkenndar með grárri rönd efst á vaktinni.
Þessar vaktir telja upp í samtölur fyrir starfsmanninn og eru teknar með í villuleit á vöktum.
Þær eru ekki taldar með í mönnun.
Hæfniþættir og færnistig
Hér er hakað við þá hæfniþætti og þau færnistig sem skoða á í vinnuborði vaktaáætlunar (og mönnunargrafi).
Þær vaktir sem hafa valda hæfniþætti og færnistig eru birtar í vinnuborðinu. Aðrar vaktir birtast gráar.
Vinna
Dagvinna
Ef hakað við þá birtist vinnutími dagvinnumanna í vinnuborði.
Birtis aðeins ef einhver dagvinnumaður er í vaktahópnum.
Ekki er hægt að ská almennar vaktir á dagvinnumenn.
Dagvinnumenn á vinnuborði eru auðkenndir með "dagv.".
Engin vinnuskylda birtist fyrir dagvinnumenn.
Tímafærslur:
Ef hakað við birtast tímafærslur út Stund í vinnuborði.
Óskir
Hér hakar notandi við þær tegundir óska sem hann vill sjá á vinnuborðinu.
Vaktir: Vaktaóskir starfsmanna sýnilegar í vinnuborði.
Frí: Fríóskir starfsmanna (hvenær þeir óska eftir að vera ekki settir á vaktir) sýnilegar í vinnuborði
Ekki í vinnu: Hvenær starfsmenn óska ekki eftir að vera settir á vaktir (á vikugrunni). Einnig eru fríhelgar starfsmanna birtar í vinnuborði. Fríhelgar eru fundnar út þannig að fundin er síðasta helgarvakt fyrir byrjun áætlunar (lesið 30 daga aftur í tímann) og út frá henni er reiknað út hvaða helgar starfsmaður á að vera í fríi miðað við tíðni helgarvakta í vaktastýringum starfsmanns.
Leyfi: Sýna óafgreiddar leyfisóskir og leyfisóskir sem hefur verið hafnað.
Starfsmenn
Hér velur notandi hvaða starfsmenn hann vill sjá í vinnuborðinu.
Með vaktir - þá sjást aðeins þeir starfsmenn sem búið er að setja vaktir á.
Valin hæfni og... - þá sjást aðeins þeir starfsmenn sem hafa þá hæfni og færnistig sem hakað er við í hæfniþættir og færnistig.
Hægt er að raða starfsmönnum eftir nafni eða hæfniþætti í vinnuborðinu.
Hér á eftir eru myndir sem sýna dæmi um það hvernig stjórna má því hvað sýnt er í vaktaborði með síum.
Önnur myndin sýnir mynd þar sem sumar síur eru valdar en hin myndin sýnir vaktaborð þegar allar síur eru valdar.
Hér er valið:
Almennar vaktir. Vakt frá 08:00 - 16:00 þann 8.3. í vinnuborði (með rauðum hring) er grá vegna þess að hún er yfirvinnuvakt og sú tegund vinnu er ekki valin í "Tegund vinnu".
Allir vaktaflokkar
Aðeins einn hæfniþáttur
Allar óskir
Aðeins starfsmenn með valinn hæfniþátt. Það þýðir að eingöngu starfsmenn með vaktir á völdum hæfniþætti sjást í vinnuborði. Aðrir starfsmenn sjást ekki.
Athugið að í mönnunargrafinu fyrir neðan vinnuborðið er sama val og er í síunni.