Í nafnalista birtast nöfn þeirra starfsmanna sem eru í vaktahóp vaktaáætlunar.
Einnig birtist hæfniþáttur og færnistig starfsmanns.
Ef texti hæfniþáttar er appelsínugulur þá er ekki gert ráð fyrir viðkomandi hæfni /færni í mönnunarþörf.
Blár litur merkir hins vegar að allt sé eðlilegt.
Stjarna fyrir framan hæfniþátt merkir að viðkomandi starfsmaður hafi fleiri en eina hæfni í gildi.
Sjálfgefin hæfni starfsmanns birtist á honum í vinnuborði ef hann hefur eina hæfni.
Ef starfsmaður hefur fleiri en eina hæfni þá birtist hæfni samkvæmt þessari forgangsröðun:
Ef skipulagseining er með skilgreinda mönnun þá birtist sú hæfni sem er skilgreind fyrir almennar vaktir. Ef skilgreindar eru fleiri en ein hæfni starfsmanns fyrir alm.vaktir í mönnunarþörf, þá er sú hæfni sem finnst fyrst birt.
Ef engin hæfni starfsmanns er skilgreind fyrir alm.vaktir þá er sú hæfni sem fyrst er skilgreind í mönnunarþörf fyrir aðra tegund vinnu birt.
Ef engin hæfni starfsmanns er skilgreind í mönnunarþörf þá er fyrsta hæfnin sem finnst á starfsmanni birt.
Starfshlutfall og vinnuskylda á viku miðast við starfshlutfall starfsmanns í lok vaktaáætlunar.
Ef starfsmaður er með 2 starfshlutföll (hefur breytt starfshlutfalli á tímabili vaktaáætlunar) þá birtist svigi utanum fyrra starfshlutfallið til að auðkenna það.
Ef engin prósentutala birtist undir vinnuskyldunni (bláir tölustafir) þá er starfsmaður í 100% vinnu, annars birtist starfshlutfall hans sem prósentutala.