Vinnutímaskipulag segir til um hvort starfsmenn ganga vaktir í kerfinu eða vinna samkvæmt skilgreindum vinnutíma.
Í sumum starfsmannakerfum er hægt að tengja gunn vinnutímaskipulag við starf, þ.e.: vaktavinnu, dagvinnu eða tímavinnu.
Í Vinnustund verður að sundurliða vinnutímaskipulag nánar, t.d. getur starfsmaður í dagvinnu verið með fastan vinnutíma, sveigjanlegan vinnutíma eða vinnuskyldu utan dagvinnumarka.
Það er gert með því að tengja viðeigandi vinnufyrirkomulag við starfsmann í Vinnustund.
Athugið að ekki eru öll vinnutímaskipulög virk á öllum kjarasamningum.
| Vinnutímaskipulag | Skýring | Stimplunarfrávik | Geta fengið kaffitíma (25 mín á vakt) | Matur/kaffi, 12 mín á yfirvinnu | Vinnufyrirkomulag/vaktir |
| Dagvinnumenn með sveigjanlegan vinnutíma | Starfsmenn semja um að vinna ákveðinn fjölda stunda á tímabili, t.d. viku. Þannig getur starfsmaður fleytt vinnustundum á milli daga. Dæmi um þetta er starsfmaður í fullu starfi sem vinnur 36 tíma eina vikuna og síðan 44 tíma þá næstu. Vinnufyrirkomulag starfsmanns með sveigjanlegan vinnutíma lýsir því hve mörgum tímum starfsmaður þarf að skila og á hvaða tímabili. Viðmiðunartíma verður að skrá á vinnufyrirkomulag og er sá tími notaður í fjarvistarskráningum. Fá greitt eftir stimplun. |
Einungis fyrir innstimplun | Nei | Nei | Vinnufyrirkomulag |
| Dagvinnumenn með fastan vinnutíma | Starfsmenn vinna ákveðinn fjölda stunda hvern dag og hafa ekki sveigju í vinnuskilum eins og dagvinnumenn með sveigjanlegan vinnutíma. Starfsmenn þurfa að byrja og enda vinnu sína á fyrirfram ákeðnum tíma. Allir tímar utan umsamins vinnutíma er reiknaður sem yfirvinna og það sem vantar upp á vinnutíma kemur í mínus (á mánaðarlaun), mínusinn þarf að uppfylla með fjarvist eða leiðréttri stimplun. Vinnufyrirkomulag dagvinnumanns lýsir því á hvaða tímum hann byrjar og endar vinnu hvern dag. |
Já | Nei | Nei | Vinnufyrirkomulag |
| Dagvinnumenn á vöktum | Vinna óreglulega á dagvinnutíma. Uppfylla vinnuskylduna með almennum vöktum á dagvinnutíma. Fá vaktaálag á vaktir utan dagvinnutíma. |
Já | Já | Nei | Vaktir |
| Dagvinnumenn með vinnuskyldu utan dagvinnumarka | Eins og dagvinnumenn með fastan vinnutíma nema að vinnufyrirkomulagið er með skilgreindan vinnutíma utan dagvinnumarka. Fá vaktaálag á vinnutíma utan dagvinnumarka. |
Já | Nei | Nei | Vinnufyrirkomulag |
| Dagvinnumenn með breytilegan vinnutíma | Vinna óreglulega á dagvinnutíma. Útreikningur er sá sami og hjá dagvinnumönnum með fastan vinnutíma en vinnutíminn er settur niður sem vaktir svo hægt sé að breyta honum. Fá vaktaálag á vinnutíma utan dagvinnumarka. |
Já | Nei | Nei | Vaktir |
| Vaktavinnumenn | Uppfylla vinnuskylduna með almennum vöktum. Greidd eru álög og yfirvinna eins og kveður á um í kjarasamningum. |
Já | Já | Já | Vaktir |
| Vaktavinnumenn sem vinna ekki rauða daga | Virkar eins og dagvinnumenn á vöktum nema í yfirvinnu reiknast 12 mínútur í mat/kaffi á klukkustund. Vinnuskylda dagvinnumanna. |
Já | Já | Já | Vaktir |
| Tímavinnumenn í tímavinnu | Starfsmenn hafa ekki fasta vinnuskyldu eða vinnutíma, en fá greitt eftir stimplun. Yfirvinnuvakt er yfirleitt notuð til að skrá fjarvistir (veikindi). |
Nei | Nei | Nei | Bara stimplun |
| Tímavinnumenn á vöktum | Hægt að setja á þá vaktir. Fá greitt eftir stimplun. Hægt að skrá fjarvistir (veikindi). |
Já | Já | Já | Vaktir |
| Tímavinnumenn með fastan vinnutíma | Hafa vinnufyrirkomulag þar sem skilgreindur er fastur vinnutími þeirra. Fá greitt eftir stimplun. Hægt að skrá fjarvistir (veikindi). |
Já | Nei | Nei | Vinnufyrirkomulag |
| Tímavinnumenn með sveigjanlegan vinnutíma | Hefur vinnufyrirkomulag sem lýsir því hve mörgum tímum starfsmaður þarf að skila og á hvaða tímabili. Fá greitt eftir stimplun. Hægt að skrá fjarvistir (veikindi). |
Nei | Nei | Nei | Vinnufyrirkomulag |
Þessi listi er ekki tæmandi og ekki eru öll þessi vinnutímaskipulög skilgreind í öllum uppsetningum Vinnustundar.
Á vinnufyrirkomulagi þarf að skilgreina hvort reikna eigi aukatíma eða ekki. Ef reikna á aukatíma sjálfkrafa þarf að skilgreina á hvaða tímabili þeir eigi ekki að reiknast.
Aukatímar á vinnufyrirkomulagi eru m.a. notaðir til að reikna kaffi- og matartíma í yfirvinnu á kvöldin og um helgar.
Ath. hér er ekki um að ræða sams konar aukatíma og lýst er í Stýringar - Aukatímar.