Tegund vinnu segir til um vaktategundina. Tegund vinnu er notuð í reiknireglum varðandi útreikning á vinnu og í vaktaáætlanagerð.
Helstu vaktategundir eru:
Tímafjöldi á almennum vöktum telst til vinnuskyldu starfsmanns og reiknast miðað við stimplun/vinnutíma.
Greitt er fyrir vaktina eins og kveður á um í kjarasamningum.
Vaktaáætlun fyrir almennar vaktir má gera skv. óskum starfsmanna, rúllum, handvirkt eða sjálfvirkt.
Við vaktaáætlanagerð gilda ákvæði í kjarasamningum um hvíldartíma þegar starfsmenn eru settir á almennar vaktir.
Starfsmaður fær greidda yfirvinnu fyrir þann tíma sem hann er á yfirvinnuvakt. Reiknast út miðað við stimplun. Tímafjöldi á yfirvinnuvakt telst ekki inn í vinnuskyldu starfsmanns.
Yfirvinnuvaktir eru settar á vaktaáætlun handvirkt, með rúllum eða eftir vaktaóskum starfsmanna.
Við vaktaáætlanagerð gilda ákvæði í kjarasamningum um hvíldartíma og geta starfsmenn ekki óskað yfirvinnuvaktar sem brýtur þau ákvæði.
Starfsmaður fær greidda yfirvinnu fyrir þann tíma sem hann er á bundinni vakt. Reiknast út miðað við vakt. Tímafjöldi á bundinni vakt telst ekki inn í vinnuskyldu starfsmanns og heldur sem yfirvinna.
Vaktaáætlun fyrir bundnar vaktir má gera með rúllum, handvirkt eða sjálfvirkt. Við sjálfvirka vaktaáætlanagerð er farið eftir því hvaða starfsmenn voru á almennri vakt á tilteknu tímabili fyrir eða eftir vaktina.
Við vaktaáætlanagerð gilda ekki ákvæði í kjarasamningum um hvíldartíma. Því getur starfsmaður verið á bundinni vakt hvenær sem er utan þess tíma sem hann er á almennri eða yfirvinnuvakt.
Starfsmaður er ekki við vinnu en kemur til vinnu ef þarf. Reiknast út miðað við vakt. Starfsmaður fær greitt bakvaktarálag fyrir bakvaktina. Í hvert skipti sem starfsmaður er kallaður til vinnu fær hann greitt fyrir útkall. Vaktaáætlun má gera skv. rúllum, handvirkt eða sjálfvirkt. Við sjálfvirka vaktaáætlanagerð er farið eftir því hvaða starfsmenn voru á almennri vakt á tilteknu tímabili fyrir eða eftir vaktina. Við vaktaáætlanagerð gilda ekki ákvæði í kjarasamningum um hvíldartíma. Því getur starfsmaður verið á bakvakt hvenær sem er utan þess tíma sem hann er á almennri vakt.
Dæmi:
12 tíma bakvakt, þá reiknast álag í 12 tíma.
Ef starfsmaður mætir í 2 tíma þá dragast 2 tímar af álaginu og í staðinn bætast við 2 tímar í yfirvinnu.
Ef tímafærslan er merkt sem útkall þá bætist lágmarkstími í útkalli við, þ.e. ef tímafjöldi í útkalli er undir lágmarkinu.
Reiknireglan segir til um hvert lágmarkið er. Algengt er að það sé 3 tímar í dagvinnu en 4 tímar um helgar og nætur.
Sérfræðingavakt.
Reiknast út miðað við vakt. Greitt er fyrir vaktina eins og kveður á um í kjarasamningum. Tímafjöldi á staðarvakt telst ekki inn í vinnuskyldu starfsmanns.
Setja má staðarvaktir á vaktaáætlun handvirkt eða sjálfvirkt.
Við vaktaáætlanagerð gilda ekki ákvæði í kjarasamningum um hvíldartíma. Því getur starfsmaður verið á staðarvakt hvenær sem er utan þess tíma sem hann á vinnutíma.
Sérfræðingavakt.
Reiknast út miðað við vakt. Greitt er fyrir vaktina eins og kveður á um í kjarasamningum. Tímafjöldi á gæsluvakt telst ekki inn í vinnuskyldu starfsmanns.
Setja má gæsluvaktir á vaktaáætlun handvirkt eða sjálfvirkt.
Við vaktaáætlanagerð gilda ekki ákvæði í kjarasamningum um hvíldartíma. Því getur starfsmaður verið á gæsluvakt hvenær sem er utan þess tíma sem hann á vinnutíma.
Notað þegar vinnutími er ekki samfelldur, til dæmis þegar starfsmaður mætir á vakt að morgni í einhverja tíma og mætir svo aftur seinni partinn. Reiknast út miðað við vaktina. Tímafjöldi vaktar telst ekki með í vinnuskyldu starfsmanns. Við vaktaáætlanagerð gilda ekki ákvæði í kjarasamningum um hvíldartíma. Því er hægt að setja eyðu í vinnutíma hvenær sem er utan þess tíma sem starfsmaður á vinnutíma.